భారత ప్రధాని నరేంద్ర మోడీ “500 ఏళ్ల నాటి గాయాలకు చికిత్స జరుగుతోంది” అని చేసిన వ్యాఖ్యలపై AIMIM అధినేత, ఎంపీ అసదుద్దీన్ ఒవైసీ తీవ్ర అసంతృప్తి వ్యక్తం చేశారు. ఆయన మీడియాతో మాట్లాడుతూ, 1992 డిసెంబర్ 6న బాబ్రీ మసీదు పోలీసులు సమక్షంలో కూల్చివేయబడిందని గుర్తు చేశారు.
అసదుద్దీన్ ఒవైసీ వ్యాఖ్యానంలో, బాబ్రీ మసీదు కూల్చివేత చట్ట పాలనను ఉల్లంఘించడం అని, సుప్రీంకోర్టు కూడా ఇదే తీరును ప్రకటించిందని అన్నారు. ఈ నేపథ్యంలో ప్రధానమంత్రి వ్యాఖ్య “500 ఏళ్ల నాటి గాయాలకు చికిత్స జరుగుతోంది” అనడం తగినదా అని ఆయన ప్రశ్నించారు.
ఎంపీ ఒవైసీ తెలిపినట్లుగా, ఏ దేవాలయాన్ని కూల్చి మసీదు కట్టలేదు అని సుప్రీంకోర్టు స్పష్టంగా పేర్కొన్నప్పటికీ, ప్రధాని ఇలా ఎందుకు అంటారని ఆశ్చర్యం వ్యక్తం చేశారు. అసలు సమస్య మసీదు కూల్చివేతలోనే కాదు, ఆ రోజు భారత రాజ్యాంగం బలహీనపడటంతో ఏర్పడిన పరిస్థితుల్లో ఉందని స్పష్టం చేశారు.
అసదుద్దీన్ ఒవైసీ డిసెంబర్ 6న జరిగిన సంఘటనను “బ్లాక్ డే”గా పేర్కొన్నారు. బాబ్రీ మసీదు కూల్చివేతకు సంబంధించిన గాయాలు కాదు, రాజ్యాంగ పరంగా భారత వ్యవస్థలో ఏర్పడిన లోపాలే ఆ రోజు సమస్యలకు కారణమని ఆయన వివరించారు.
