జర్మనీ అధికార సోషల్ డెమొక్రటిక్ పార్టీ (ఎస్‌డీపీ) ప్రతినిధుల బృందం శుక్రవారం తెలంగాణ శాసన సభ స్పీకర్ గడ్డం ప్రసాద్‌ను భేటీ అయ్యారు. రాష్ట్ర పర్యటనలో సెక్రటరీ జనరల్ సబీనా ఫెండరీచ్, ఆసియా-పసిఫిక్ హెడ్ మైక్రో గుంథర్, ఇండియా డైరెక్టర్ క్రిస్టోప్ పిమోర్ పాల్గొన్నారు. భువనగిరి ఎంపీ చామల కిరణ్ కుమార్ రెడ్డి, లేజిస్లేటివ్ సెక్రటరీ డాక్టర్ వి. నరసింహా చార్యులు కూడా సమావేశంలో హాజరయ్యారు.
స్పీకర్ గడ్డం ప్రసాద్ జర్మన్ ప్రతినిధులను పుష్పగుచ్ఛం మరియు శాలువాతో సత్కరించారు. సమావేశంలో తెలంగాణలోని శాసనసభ, శాసనమండలి నిర్మాణం, కార్యకలాపాలపై వివరణ ఇచ్చారు.
ప్రసాద్ కుమార్ రాష్ట్ర ముఖ్యమంత్రి రేవంత్ రెడ్డి నాయకత్వంలో తెలంగాణ అన్ని రంగాల్లో అభివృద్ధిలో ముందున్నదని వివరించారు. విదేశీ పెట్టుబడులకు రాష్ట్రం మంచి అవకాశాలను అందిస్తున్నదని, పెట్టుబడులను ప్రోత్సహిస్తున్నదని వివరించారు.
శాసనసభలో 119 మంది సభ్యులు, శాసనమండలి 40 మంది సభ్యులున్నట్లు, శాసనసభలో సభ్యులను ఎన్నికల ద్వారా ప్రజలు నేరుగా ఎన్నుకుంటారని, చర్చలు అర్థవంతంగా జరుగుతున్నాయని కూడా వివరించారు.
