ఇండియన్ రైల్వే ప్రయాణికులకు మరో సౌకర్యాన్ని అందిస్తోంది. 2026 జనవరి 1 నుంచి స్లీపర్ క్లాస్‌లో ప్రయాణించే వారికీ బెడ్ షీట్, దుప్పటి, దిండు వంటి బెడ్‌రోల్ సౌకర్యం అందుబాటులోకి రానుంది. ఇప్పటివరకు ఏసీ కోచ్‌లలో ఉచితంగా లభించే ఈ సౌకర్యాన్ని నాన్-ఏసీ స్లీపర్ ప్రయాణికులు కొద్దిగా ఛార్జ్ పేయాల్సి ఉంటుంది.
రైల్వే అధికారులు మూడు ప్యాకేజీలను ప్రకటించారు. బెడ్‌షీట్ + దిండు + దుప్పటి కోసం రూ.50, దిండు + దుప్పటి కోసం రూ.30, బెడ్‌షీట్ మాత్రమే కోసం రూ.20. ప్రయాణికులు TTE ద్వారా రైలులోనే లేదా టికెట్ బుకింగ్ సమయంలోనే ఈ సౌకర్యాన్ని ఎంచుకోవచ్చని తెలిపారు.
ముందుగా చెన్నై డివిజన్‌లో ఎంపిక చేసిన 10 రైళ్లలో ప్రయోగాత్మకంగా ఈ సౌకర్యం ప్రారంభం కానుంది. దీని ద్వారా రాత్రి ప్రయాణాలలో స్లీపర్ క్లాస్‌లో ఉన్న ప్రయాణికులు సొంత దుప్పట్లు తీసుకువెళ్లే ఇబ్బందులు తగ్గిపోతాయని అధికారులు పేర్కొన్నారు.
అదనంగా, రైల్వేకి కూడా ఈ సౌకర్యం ద్వారా అదనపు ఆదాయం వచ్చే అవకాశం ఉంది. ప్రయాణికులకు మరింత సౌకర్యవంతమైన ప్రయాణ అనుభవం ఇవ్వడం, రైల్వే సేవల ప్రమాణాలను మెరుగుపరచడం లక్ష్యంగా ఈ కొత్త నిబంధనలు రూపొందించబడ్డాయి.
