పట్టణంలోని 8వ వార్డు హనుమాన్ నగర్లోని శ్రీ వీరాంజనేయ స్వామి ఆలయ పునర్నిర్మాణ కార్యక్రమం ఘనంగా జరుగుతోంది. ఆలయ అభివృద్ధిలో స్థానికులు, కమిటీ సభ్యులు కలసి ముందుకు వస్తున్నారు. ఈ కార్యక్రమంలో ప్రతి వ్యక్తి తమ వంతు సహకారాన్ని అందిస్తున్నారని తెలిపారు.
మార్కెట్ కమిటీ డైరెక్టర్ చిరంజీవి (చిరు) తన వంతు భాగస్వామ్యంగా ఒక లక్ష పదకొండు వేల ఒక వంద పదకొండు రూపాయలు (₹1,11,111) ఆలయ పునర్నిర్మాణానికి అందజేశారు. ఈ విరాళం ఆలయ నిర్మాణ పనులను వేగవంతం చేయడానికి ఉపయోగపడుతుంది.
కార్యక్రమంలో పట్టణ కాంగ్రెస్ అధ్యక్షుడు మునిపల్లి సత్యనారాయణ, ఆత్మ కమిటీ డైరెక్టర్ రాములు గౌడ్, ఈశ్వర మార్కండేయ మందిర కమిటీ చైర్మన్ వెంకన్న బాబు లడ్డు, కాంగ్రెస్ పార్టీ నాయకులు బెజుగం దత్తు, శరత్ చంద్ర, బిట్ల ప్రేమ్ కుమార్, ముగిటి భరత్ మరియు ఆలయ కమిటీ సభ్యులు శివకోటి పవన్, బజజ్ సంగమేశ్వర్ తదితరులు పాల్గొన్నారు.
సామాజిక కార్యకర్తలు, స్థానికులు కలసి ఈ పునర్నిర్మాణ కార్యక్రమంలో ప్రతి దశలో భాగస్వామ్యం అవుతున్నారు. ఆలయ అభివృద్ధి మాత్రమే కాకుండా, భక్తులకు సౌకర్యాలను అందించే విధంగా పనులు వేగంగా పూర్తయ్యేలా కమిటీ పర్యవేక్షిస్తోంది.
