తెలంగాణ కాంగ్రెస్ సీనియర్ నేత, మాజీ టీపీసీసీ వర్కింగ్‌ ప్రెసిడెంట్ జెట్టి కుసుమ్‌కుమార్‌ ఇటీవల ఏఐసీసీ కార్యదర్శిగా నియమితులయ్యారు. ఆయన ఒడిశా రాష్ట్ర కాంగ్రెస్ వ్యవహారాల ఇన్‌చార్జిగా, కో-ఇన్‌చార్జిగా బాధ్యతలు చేపడతారు. ఈ నియామకాన్ని ఏఐసీసీ ప్రధాన కార్యదర్శి కేసీ వేణుగోపాల్ ప్రకటించారు.
పదవి స్వీకరించిన తర్వాత ఆయన ప్రత్యక్ష ఎన్నికల్లో పోటీకి ఆసక్తి లేనట్టుగా స్పష్టం చేశారు. జాతీయ రాజకీయాల్లో భాగస్వామ్యం కావాలని, పార్టీ ఆర్గనైజేషన్ పనులు చేయడం ఆయనకు ఇష్టమని పేర్కొన్నారు. ఒడిశా, తెలంగాణలో పనిచేస్తూ, జీహెంసీపై ప్రత్యేక దృష్టి పెట్టమని అధిష్టానం సూచన ఇచ్చిందని తెలిపారు.
జూబ్లీహిల్స్‌లో కాంగ్రెస్ గెలుస్తుందని ఆయన ధీమా వ్యక్తం చేశారు. EVMల ద్వారా రిగ్గింగ్‌ చేయడానికి అవకాశమేమీ లేదని, రాబోయే గ్రేటర్ హైదరాబాద్ ఎన్నికల్లో కూడా కాంగ్రెస్ జెండాను ఎగరుస్తామని అన్నారు. పార్టీకి పదవులు ఇచ్చే విధానం మరోసారి నిరూపించబడిందని, దీనికి ఆయన సంతోషం వ్యక్తం చేశారు.
దశాబ్దాలుగా కమ్మ సామాజిక వర్గం నుంచి ఏఐసీసీ కార్యదర్శిగా ఎవరూ ఎంపిక కాలేదని, కుసుమ్‌కుమార్‌కు ఈ కీలక పదవిని అప్పగించడం సామాజిక ప్రాధాన్యతను గుర్తించిన విధానమని పార్టీ వర్గాలు తెలిపాయి. మేనిఫెస్టోలోని కొన్ని అంశాలను ఇప్పటికే రేవంత్ ప్రభుత్వం అమలు చేస్తోందని ఆయన సూచించారు.
