ఫరూఖ్ నగర్ మండలం నాగులపల్లి గ్రామానికి చెందిన 3 ఏళ్ల రిత్విక్ ఇంటి ముందు ఆడుకుంటున్న సమయంలో వీధి కుక్కల గుంపు దాడికి గురయ్యాడు. దాడిలో చిన్నారి తీవ్ర గాయపడి, వెంటనే షాద్ నగర్ ప్రభుత్వ కమ్యూనిటీ ఆసుపత్రికి తరలించబడ్డాడు.
చికిత్స అనంతరం రిత్విక్ ను హైదరాబాద్ సరోజినీ దేవి కంటి ఆసుపత్రికి తరలించగా, శస్త్రచికిత్స చేసినప్పటికీ చిన్నారి ఎడమ కంటికి నష్టం తగ్గకపోవడంతో కన్ను కోల్పోయినట్లు వైద్యులు తెలిపారు.
గ్రామస్తులు షాద్ నగర్ మున్సిపాలిటీ వీధికుక్కలను పట్టుకుని తమ గ్రామంలో వదులడంతో సమస్య ఎదురైనట్లు ఆరోపిస్తున్నారు. చిన్నారి కుటుంబం మాత్రమే కాకుండా, పెద్దలు కూడా గ్రామంలో ఒంటరిగా తిరగడానికి భయపడుతున్నారని వారు తెలిపారు.
గ్రామస్తులు అధికారులు వెంటనే స్పందించి, రిత్విక్ కుటుంబానికి మద్దతు, వీధికుక్కలను అరికట్టడం ద్వారా గ్రామస్తులకు రక్షణ కల్పించాలని డిమాండ్ చేస్తున్నారు. ఈ ఘటనపై రాష్ట్ర, స్థానిక అధికారులు చర్యలు తీసుకోవాలని కోరుతున్నారు.
